AGAPETA vel AGAPETES

AGAPETA vel AGAPETES

Graec. Α᾿γαπητὸς, nomen, quô Clerici olim notati, quod cum mulieribus ac virginibus, quas domi suae sub Agapetarum seu Dilectarum appellatione illi detinebant, prava commercia habere dicerentur. Papias, Agapeta, Lenocinator et qui cum feminis illicite conversatur porcacius Clericus. Nempe erant Agapetae virgines seu viduae, quae sub specie caelibatus ac virginitatis, nuptiis nuntiô missô, cum Clericis in eadem domo habitabant, ac, ne quae pravi commercii suspicio esset, sese invicem Dilectos et Dilectas appellabant, vel etiam Fratres ac Sorores. Avapeta nempe Ugutiom, Ancilla dicitur, quae Christo nubere vovit: Graeci eas συνεισάκτους vocant. Hieronymo dicuntur Agopitivae Sorores, Ep. 27. ad Eustoch. Sorores devotae aliis, etc. Hi Constantinopoli imprimis, charitatis Christianae praetextu, sub eodem tecto habitabant: quod non tantum a Viris sanctis reprehensum acriter, sed et aliquot in Conciliis damnatum est. Hinc S. Hieronym. Ep. 22. ad eandem. Unde in Ecclesiam Agapetarum pestis introiit? unde sine nuptiis aliud nomen uxorum? imo unde novum concubinarum gemus? Idem ad Oceanum, de Vita Clericorum, de Clericis agit, qui Agapetas amplius quaerunt, quâm Christum. Nuntium itaque tandem Clerici hi Sororibus hice dilectis mittere coacti funt, D. Chrysostomô initiô

muneris sui, ex Imperatoria sede, ilios magno cum zelo exigente. Neque vero solum viri istiusmodi Agapetas secum habuêre, sed et feminae domi suae suos Agapetos, quod itidem illis prohibitum. Iulianus Antecessor Constit. 3. ex Novell 6. Nulla autem facultas Diaconissis tributa est, habere secum quosdam volut fratres sive cognatos, seu quos dicere solent, Α᾿γαπητοὺς. Vide Epiphanium Haer. 63. et 79. Chrysostomum Serm. contra Concubinarios, et quae notârunt Pithoeus ad Iulianum Antecessorem, ac Iacobus Gothofredus ad leg. 44. Cod. Theodos. de Episcop. laudati Car. du Fresne Glossar. ut et Macer Hierolex. Vide et Agapetae.